ब्रहमकमळ फुलले पोहरादेवी येथे

पोहरादेवी (साप्ताहिक दिग्रस एक्सप्रेस) :

विजय अनंतकुमार पाटील पोहरादेवी यांच्या निवासस्थानी दुर्मिळ व पवित्र मानले जाणारे ब्रहमकमळ हे फूल फुलले आहे. ब्रहमकमळ (Saussurea obvallata) ही एक हिमालयीन दुर्मिळ वनस्पती असून हिमालय पर्वतरांगामध्ये १३,००० ते १७,००० फुटांवरील उंचीवरच आढळते.

हिमालयातील उंच व पवित्र पर्वतरांगांमध्ये आढळणारे हे फूल भारतीय संस्कृतीत अत्यंत पवित्र मानले जाते. धार्मिक व ऐतिहासिक महत्वामुळे या फुलाला एक वेगळेच स्थान आहे. "ब्रहमकमळ" हे नाव जसे ऐकले तरी मनाला एक अद्भुत शांततेचा आणि प्रसन्नतेचा अनुभव मिळतो. जणू काही देवाचा आशीर्वादच मिळाल्याचा भास होतो.

सांस्कृतिक व धार्मिक दृष्टीने विशेष मानल्या जाणाऱ्या या फुलाला भगवंताचे प्रतीक मानले जाते. या फुलाला ‘देवाचे फूल’ अशीही ओळख आहे. ब्रहमकमळ फुलण्याची घटना हीच एक विलक्षण आणि आध्यात्मिक आनंददायी गोष्ट मानली जाते.

ब्रहमकमळ या फुलाचे वैशिष्ट्य असे की हे अत्यंत दुर्मिळ असून भारत, नेपाळ, भूतान, पाकिस्तान तसेच दक्षिण-पश्चिम चीन या प्रदेशांमध्ये हिमालय पर्वतरांगांवरच आढळते. हे फूल एस्ट्रेसी कुळातील आहे.

 विजय अनंतकुमार पाटील यांच्या निवासस्थानी हे ब्रहमकमळ उमलल्याने गावात उत्सुकतेचे व समाधानाचे वातावरण पसरले आहे. स्थानिक नागरिकांनी प्रत्यक्ष पाहण्यासाठी उत्साह दाखवला असून, या दुर्मिळ फुलाच्या दर्शनाने प्रत्येकाला समाधान आणि आनंद मिळत आहे.

🌸 खरं तर, "ब्रहमकमळ" हे केवळ एक फूल नसून श्रद्धा, पवित्रता आणि देवदत्त आशीर्वाद यांचे प्रतीक आहे. 🌸