दिग्रस:- (साप्ताहिक दिग्रस एक्सप्रेस)
शहरातील प्रधानमंत्री आवास योजना (PMAY) अंतर्गत निवड झालेल्या अनेक लाभार्थ्यांचे अनुदान अद्यापही प्रलंबित असल्यामुळे नागरिकांमध्ये तीव्र नाराजी व्यक्त होत आहे. घरकुलाचे स्वप्न पूर्ण करण्यासाठी शासनाकडून मंजूर झालेले अनुदान वेळेत न मिळाल्याने अनेक कुटुंबांची आर्थिक अडचण वाढली आहे.
लाभार्थ्यांच्या मते, आवश्यक कागदपत्रे सादर करूनही अनुदानाची रक्कम त्यांच्या खात्यात जमा होत नाही. यासाठी वारंवार दिग्रस नगर परिषद कार्यालयात हेलपाटे मारावे लागत असूनही ठोस तोडगा निघत नाही. काही लाभार्थ्यांनी बांधकाम सुरू केले असले तरी निधीअभावी काम अर्धवट अवस्थेत थांबले आहे.
नगर परिषद प्रशासनाकडून शासनस्तरावर पाठपुरावा करण्यात अपयश येत असल्याचा आरोप नागरिक करत आहेत. वेळेत अनुदान न मिळाल्यास बांधकाम खर्च वाढत असून, कर्जाचा बोजा देखील वाढत असल्याने लाभार्थ्यांची परिस्थिती अधिकच बिकट होत आहे.
लवकरात लवकर प्रलंबित अनुदान वितरित करून नागरिकांना दिलासा द्यावा, अशी मागणी लाभार्थ्यांकडून जोर धरत आहे. तसेच संबंधित अधिकाऱ्यांनी याकडे तातडीने लक्ष देऊन प्रभावी पाठपुरावा करावा, अशी अपेक्षा व्यक्त केली जात आहे.
No comments:
Post a Comment