🙏 संतसदृश व्यक्तिमत्त्व ह.भ.प. शिवलाल महाराज विठ्ठलवाडीकर यांना भावपूर्ण श्रद्धांजली 🙏

कबीरपंथीय परंपरेतून लोकजागृती करणारे ह.भ.प. शिवलाल महाराज विठ्ठलवाडीकर हे समाजाच्या मनात स्थान मिळवणारे संतसदृश व्यक्तिमत्त्व होते. अशिक्षित असूनही त्यांनी असंख्य स्वरचित अभंग रचून सतज्ञानाचा दिवा पेटवला. संपूर्ण पंचक्रोशीत गावोगावी जाऊन त्यांनी लोकांना ज्ञान, व्यसनमुक्ती, सदाचार व समाजसेवेचे मार्गदर्शन केले.

त्यांचे लहान बंधू  आणि मुलं रोहिदास व चंदन व आप्त परिवार त्यांनी सुचविलेल्या मार्गावरच चालत आहेत. जीवनाच्या अखेरीस त्यांनी मृत्यूची जाणीव ठेवून कुटुंबीयांना जीवनमूल्यांची शिकवण दिली.

धर्मपत्नीच्या निधनानंतरच त्यांनी स्वतःचे मरणही ओळखले होते. त्यांनी जिवंतपणीच धर्मपत्नी व स्वतःची मूर्ती तयार करून मंदिरात बसवली आणि भक्तांना सतज्ञान व विठ्ठलभक्तीचे उपदेश दिले.

त्यांचे संत सेवालाल महाराज व देवी जगदंबा यांच्यावरही मोठा भाव होता. त्या भावनेतूनच त्यांनी आपल्या शेतात परिसरात देवीचे भव्य मंदिर बांधून भक्तांना आध्यात्मिक व सांस्कृतिक आधार दिला. हे कार्य त्यांच्या दूरदृष्टीचे, श्रद्धेचे आणि संतस्वभावाचे द्योतक आहे.

आज त्यांच्या अंत्यविधीच्या वेळी त्यांचे नातवंडे बेंगळुरू, मुंबई, पुणे, रायगड, परभणी आदी ठिकाणांहून येऊन शेवटचे दर्शन घेतले. विठ्ठलवाडी येथील भजनी मंडळाच्या ईश्वर जयघोषात मोठ्या मंगलमय वातावरणात त्यांना भावपूर्ण श्रद्धांजली अर्पण करण्यात आली.

या वेळी ह.भ.प. श्रीराम महाराज चिखलीकर, ह.भ.प. हिम्मत महाराज टेंबूरखेड संस्थान, ह.भ.प. रायसिंग महाराज रायगड संस्थान आदींनी शिवलाल महाराज यांच्या जिवन चरित्र व कार्याबद्दल सविस्तर मार्गदर्शन केले. ‘शोक’ सभेचे संचालन श्रावण जाधव यांनी केले.

शिवलाल महाराजांचे आयुष्य हेच एक प्रवचन होते. त्यांची शिकवण, त्यांचे आदर्श व त्यांचे स्वरचित अभंग यांतून आजही समाजाला प्रेरणा मिळत आहे.

🌸🙏🌸

“ह.भ.प. शिवलाल महाराज विठ्ठलवाडीकर यांना विनम्र, भावपूर्ण श्रद्धांजली.”

ह भ प श्रीराम महाराज चिखलीकर ,

जगदीश व कल्पना राठोड परिवार चिखली. मानोरा जिल्हा वाशिम.